Ami nia grupu Sewing For our Future hanesan grupu feto foinsa’e ida ne’ebe produs pasta, karteira , ho buat seluk tan husi tais no batik. Iha tinan 2005 ami hahu suku no to’o agora ami iha modelu oin-oin barak husi pasta bo’ot to’o karteira ki’ik-oan ho qualidade ne’ebe di’ak. Tais ne’ebe ami uza hodi suku produtu sira, ami sosa no  hili  iha merkadu Tais Colmera,  Dili. Tais ida-idak iha ninia kualidade no kor uniku ne’ebe halo mos ami nia produtu sira sai  uniku.

Servisu ida ne’e sai hanesan dalan ida ne’ebe fo asseguransa ba ami nia futuru tanba ami bele hetan rendimentu ba ami nia a’an husi servisu ida ne’e. Ami kontente tanba ami bele fa’an ami nia produtu iha Timor  laran no mos ba ami nia parseiru iha internasional liu-liu iha Australia. Hanesan ne’e ami la’os exporta de’it produtu ruma maibe ami halo promosaun ba parte ida iha kultura Timor-Leste nian.